Lavrov: “Təhlükəsizlik məsələlərinin Rusiyasız həlli — utopiyadır”
Rusiya xarici işlər naziri Sergey Lavrov bildirib ki, Moskva Ukrayna böhranı fonunda kollektiv təhlükəsizlik məsələlərinin Rusiyasız müzakirəsi ilə razılaşa bilməz.
“Biz dəfələrlə vurğulamışıq ki, Rusiya öz maraqlarını şişirtmir. Amma qanuni maraqlarımızı qətiyyətlə və sərt şəkildə təmin edəcəyik”, – deyə Lavrov Moskvada keçirilən mətbuat konfransında deyib.
Crossmedia.az xarici mətbuata istinadən xəbər verir ki, nazir Qərbə, xüsusilə də ABŞ-a ünvanladığı mesajında bildirib ki, təhlükəsizliyin təmin olunması məsələlərinin Rusiyasız ciddi şəkildə müzakirəsi “utopiya”dır və “heç bir yerə aparmayan yoldur”.
Almaniya, Böyük Britaniya və Fransanın kollektiv təhlükəsizlik zəmanətləri hazırlamaq planlarını da şərh edən Lavrov qeyd edib: “Bizim mövqeyimiz ondan ibarətdir ki, bu zəmanətlər həqiqətən də etibarlı olsun”.
Pərvin Hacıyeva
16:31 20.08.2025
Oxunuş sayı: 633
