ABŞ maliyyə naziri: " Hindistan Rusiya neftindən mənfəət əldə edir"
ABŞ maliyyə naziri Skott Bessent bildirib ki, Hindistan Ukraynadakı müharibə dövründə Rusiya neftinin alışını əhəmiyyətli dərəcədə artırıb və onun satışından mənfəət götürür.
Crossmedia.az Reuters-ə istinadən xəbər verir ki, Vaşinqton bu vəziyyəti qəbuledilməz hesab edir.
Nazirin sözlərinə görə, hazırda Hindistanın neft idxalında Rusiyanın payı 42%-ə çatıb, müharibədən əvvəl isə bu göstərici 1%-dən az idi. Müqayisə üçün qeyd olunur ki, uzun müddət Rusiya nefti alan Çin bu göstəricini 13%-dən 16%-ə qədər artırıb.
“Hindistan sadəcə mənfəət əldə edir. Onlar nefti alıb məhsullarını satır. Mən bunu ‘Hindistan arbitrajı’ adlandırıram – ucuz Rusiya neftinin alınması və məhsullarının sonradan satılması – bu qəbuledilməzdir”, – Bessent vurğulayıb.
Nicat Rüstəmzadə
15:37 20.08.2025
Oxunuş sayı: 623
