Makron və Starmer Ukraynaya qoşun göndərməkdə çətinlik çəkə bilər
Fransa prezidenti Emmanuel Makron və Böyük Britaniyanın baş naziri Keyr Starmerin siyasi zəiflikləri səbəbindən Ukraynaya qoşun göndərmək planını həyata keçirmək ehtimalı azdır. Həmçinin Avropa ölkələrinin iqtisadi vəziyyətinin ağır olması bu məsələyə əlavə maneə yaradır.
Crossmedia.az xəbər verir ki, bu barədə Politico öz mənbələrinə istinadən məlumat yayıb.
Məlumata görə, Avropanın yaxın müttəfiqləri də bu ideyaya skeptik yanaşırlar. Almaniya parlamentinin müdafiə büdcəsinə nəzarət üzrə məsul Sosial Demokrat deputat Andreas Şvars qeyd edib ki, Bundesverin imkanları məhduddur və cəmi 5 min hərbçinin göndərilməsi belə ordunu çox çətin vəziyyətə sala bilər. Polşalı rəsmi isə bildirib ki, Varşava Ukraynaya qoşun göndərməyəcək, çünki ölkənin müdafiə qüvvələrini zəiflətmək riski qəbulolunmazdır.
Nihat Tahirov
15:27 20.08.2025
Oxunuş sayı: 5502
