ABŞ Ermənistanın yeni səfirini təsdiqləyib
ABŞ Ermənistanın Vaşinqtondakı səfiri vəzifəsinə əmək və sosial məsələlər naziri Narek Mkrtçyanın namizədliyini qəbul edib.
Crossmedia.az xəbər verir ki, bu barədə “Qraparak” nəşri məlumat yayıb.
Məlumata görə, Ermənistan hökumətində Mkrtçyanın təyinatı birmənalı qarşılanmayıb – onun bu vəzifədə effektiv işləyə biləcəyinə dair şübhələr var.
Qeyd edək ki, hazırkı səfir Lilit Makuntsun səlahiyyət müddəti 2 avqust 2025-ci ildə başa çatıb. Yeni təyinat rəsmən təsdiqlənmədiyindən və prezident tərəfindən fərman imzalanmadığından, Makunts 3 avqustdan etibarən Ermənistan qanunvericiliyinə görə ölkəni rəsmi şəkildə təmsil edə bilmir.
Bununla belə, nəşr qeyd edir ki, beynəlxalq təcrübə və Vyana Konvensiyasına əsasən, yeni səfir gələnədək Makuntsun fəaliyyətini davam etdirməsi mümkün ola bilər.
Fatimə Məmmədova
12:46 20.08.2025
Oxunuş sayı: 5196
