Aİ Ukrayna ordusunu hazırlayacaq, Rusiyaya yeni sanksiyalar tətbiq ediləcək
Avropa İttifaqı Rusiyanın razılaşmalara əməl edəcəyinə etibar etmir və Ukrayna ordusunu hazırlayacaq, həmçinin Moskvaya qarşı sanksiyaları davam etdirəcək. Bu barədə Avropa diplomatiyasının rəhbəri Kaja Kallas açıqlama verib.
Crossmedia.az xarici mediaya istinadən bildirir ki, Kallas fövqəladə onlayn sammitdən sonra X platformasında paylaşım edib: “Təhlükəsizlik zəmanətləri kifayət qədər güclü və etibarlı olmalıdır ki, Rusiya yenidən toparlanaraq hücuma keçməsin”.
Onun sözlərinə görə, Aİ bu zəmanətlərə töhfə verəcək – Ukrayna əsgərlərinin hazırlanması, ölkənin silahlı qüvvələrinin və müdafiə sənayesinin gücləndirilməsi ilə məşğul olacaq. Kallas həmçinin qeyd edib ki, Aİ Rusiyanın hərbi iqtisadiyyatını hədəf almaqda davam edəcək və Moskvaya qarşı növbəti sanksiya paketi gələn aya qədər hazır olacaq.
Zəhra Ağayeva
09:18 20.08.2025
Oxunuş sayı: 773
