Musiqi sənəti istiqamətinə aid fənlər üzrə imtahanın nəticəsi açıqlanıb
27
iyul 2025-ci il tarixində Dövlət İmtahan Mərkəzi (DİM) ali təhsil müəssisələrinin
qabiliyyət tələb edən musiqi sənəti istiqaməti üzrə ixtisasların Harmoniya və
solfecio, Musiqi nəzəriyyəsi və solfecio fənləri üzrə imtahan keçirib.
İmtahanlar Bakı, Gəncə, Naxçıvan şəhərlərində təşkil edilib.
Crossmedia.az
xəbər verir ki, bu barədə mərkəzdən məlumat verilib. Verilən məlumata görə,
imtahan nəticələri DİM-in internet səhifəsində yerləşdirilib.
Abituriyentlər
imtahan nəticələri haqqında məlumatı mobil operatorlar (Azercell, Bakcell, Nar,
Naxtel) vasitəsilə bu imtahan üçün nəzərdə tutulan buraxılış vərəqəsində göstərilən
kodu 7727 nömrəsinə göndərməklə də öyrənə bilərlər.
İmtahanda
ümumilikdə 1064 nəfər iştirak edib.
“Harmoniya
və solfecio”, “Musiqi nəzəriyyəsi və solfecio” fənlərinin hər biri üzrə
iştirakçılara 30 qapalı tipli tapşırıq təqdim olunub.
Qeyd
edək ki, qiymətləndirmə fənlərin hər biri üzrə 10 ballıq şkalada aparılır.
İmtahan
nəticələri ilə bağlı Apellyasiya komissiyasına müraciət etmək istəyənlər 30
iyul saat 10:00-dan 31 iyul saat 17:00-dək DİM-in saytında yerləşdiriləcək
elektron ərizəni doldurmaqla qeydiyyatdan keçə bilərlər. Göstərilən müddət ərzində
qeydiyyatdan keçməyənlər sonradan apellyasiya üçün müraciət edə bilməyəcəklər.
Apellyasiya
prosesi telefon əlaqəsi vasitəsilə təşkil edilir. Bir abituriyentin ərizəsi
(müraciəti) üzrə ən çox 15 dəqiqə müzakirə aparıla bilər. Ayrılan vaxt bitdikdə,
kənar şəxs müzakirəyə qoşulduqda və ya etik davranış qaydaları pozulduqda
müzakirə prosesi dayandırılır.
17:11 29.07.2025
Oxunuş sayı: 8792
