Zəngəzur dəhlizi uğrunda ABŞ- Rusiya qarşıdurması: Böyük güclər Cənubi Qafqazda üz- üzə...
Rusiya Prezidentinin mətbuat katibi Dmitri Peskov deyib ki, Zəngəzur dəhlizi məsələsi Azərbaycanın və Ermənistanın suveren işidir.
Onun sözlərinə görə, Rusiya iki ölkə arasında danışıqlara hər cür dəstək verir.
"Biz Azərbaycan və Ermənistan arasında danışıqları dəstəkləyirik. Bakı və İrəvanın mümkün qədər tez müqavilə imzalamasını arzu edirik. Bununla yanaşı, əgər tələb olunarsa, bu prosesə hər cür yardım göstərməyə hazırıq", - D.Peskov qeyd edib.
Əslində Rusiyadan verilən bu tip mesajların tragikomik xarakter daşıdığını desək, bəlkə də, yanılmarıq. Belə ki, Moskva əvvəllər də dəfələrlə oxşar açıqlamalar verib. Hətta Rusiya uzun müddət ATƏT-in Minsk Qrupunun həmsədri kimi vasitəçi kimi fəaliyyət göstərsə də, heç bir nəticə vermədi. Hətta ondan sonrakı dövrdə də Rusiyanın sözü ilə əməli heç vaxt üst- üstə düşmədi...Elə isə indi niyə Peskova inanmalıyıq?
Onun səsləndirdiyi fikirlər barədə Crossmedia.az-a danışan Milli Məclisin deputatı, professor Hikmət Babaoğlu deyib ki, Peskovun Zəngəzur ilə bağlı son açıqlaması və bu dəhliz məsələsinin Azərbaycan ilə Ermənistan arasında öz suveren hüquqları kimi qeyd etməsi ilk baxışdan cəlbedici bir fikir kimi görünə bilər, amma nəzərə almaq lazımdır ki, bu fikir Prezident İlham Əliyevlə Ermənistan Baş naziri Nikol Paşinyanın Əbu-Dabi görüşündən sonra gündəmə gələn yeni bir fikir kimi səsləndirilir: "Anidən bəlli oldu ki, ABŞ şirkəti Zəngəzur dəhlizini 100 il müddətinə icarəyə götürür və hətta onun iş rejimi və əldə olunan gəlirlərin bölgüsü kimi məsələlərlə bağlı razılaşmanın əldə olunduğu iddia olunur. Bu fikir ikimərhələli kontentlə izah oluna bilər. Əlbəttə ki, Peskovun hazırda səsləndirdiyi fikir birinci mərhələdir. Burada Peskov ismarış vermiş olur ki, bu, yalnız iki dövlət- Azərbaycan və Ermənistan arsında həll olunur. Yumşaq desək, Rusiyanın bu məsələdə ABŞ -nin iştirakına etirazı var. Başqa sözlə desək, Rusiya ABŞ-nin qarşısına sərt mövqə ortaya qoya bilmir. İkinci bir tərəfdən, Peskovun açıqlamasındanda görə bilərik ki, Moskva mütləq proseslərdə iştirak etmək niyyətindədir. Beynəlxalq münasibətlər sistemində bir qədər rahat olsa, yəni Ukrayna ilə müharibə və sair olmasa, Rusiya Zəngəzur dəhlizinin məhz 10 noyabr 2020-ci il üçtərəfli bəyənatı əsasında açılmasını tələb edər. Bu isə o deməkdir ki, dəhlizə mütləq Rusiya Federal Təhlükəsizlik Xidməti həyata keçirməlidir. Dolayısı ilə Peskovun fikrində heç bir yenilik yoxdur. Açıqlama mahiyyətcə isə onu göstərir ki, Rusiya öz mövqəyində qalır, yəni heç bir dəyişiklik yoxdur".
Elmir Heydərli
13:13 25.07.2025
Oxunuş sayı: 20517
