Hirosima qubernatoru Qazaxıstanı nüvə silahından imtina səylərinə qoşulmağa çağırdı
Yaponiyanın Hirosima prefekturasının qubernatoru Qazaxıstan hökumətinə nüvə silahından imtina səylərində əməkdaşlıq etməyi xahiş edib.
Crossmedia.az xarici mətbuata istinadən xəbər verir ki, 2025-ci ildə Yaponiyanın Hirosima və Naqasaki şəhərlərinin atom bombalanmasının 80 ili tamam olur. Hirosima qubernatoru Yudzaki Hidehiko bu münasibətlə Qazaxıstana səfər edib və bu ölkə ilə əməkdaşlığı gücləndirmək məqsədi daşıyır. Çərşənbə axşamı günü Yudzaki Qazaxıstanın paytaxtı Astanada xarici işlər nazirinin birinci müavini, nüvə tərksilahı və yayılmaması məsələlərinə cavabdeh olan Akan Raxmetullinlə görüşüb.
Hirosima rəsmilərinin sözlərinə görə, qubernator prefekturasının nüvə silahının ləğvi istiqamətində atdığı addımlar barədə məlumat verib və Qazaxıstan hökumətinə əməkdaşlıq çağırışı edib.
Rəsmilərin bildirdiyinə görə, Qazaxıstan Hirosima ilə əməkdaşlıq etməyə hazır olduğunu bildirib.
Pərvin Hacıyeva
11:59 18.07.2025
Oxunuş sayı: 7683
