Əs-Süveyda şəhərində atəşkəs pozuldu: Suriya ordusu geri çəkildi, gərginlik artır
Suriya hakimiyyəti bildirib ki, “silahlı qruplaşmalar” Əs-Süveyda şəhərində atəşkəs rejimini pozub.
Crossmedia.az xarici mətbuata istinadən xəbər verir ki, Suriya Prezident Administrasiyasının yaydığı bəyanatda qeyd olunur ki, hakimiyyət gərginliyin artmasını istəmir və buna görə də ordunu Əs-Süveydadan əvvəlki mövqelərə geri çəkmək qərarına gəlib. Lakin hökumət ümid edirdi ki, silahlı qruplar dinc əhaliyə qarşı güc tətbiq etməyəcək.
Qeyd edək ki, iyulun 17-də SANA agentliyi Əs-Süveyda şəhərində ərəb bədəvi döyüşçülərinin kütləvi şəkildə qətlə yetirildiyini xəbər vermişdi. Halbuki bundan bir gün əvvəl, iyulun 16-da Suriya hakimiyyəti şəhərdən hökumət qoşunlarının çıxarılması və atəşkəsin elan edilməsi barədə məlumat yaymışdı.
Pərvin Hacıyeva
11:13 18.07.2025
Oxunuş sayı: 11042
