ABŞ Dövlət Departamenti xarici ölkələrdəki seçkilərin ədalətliliyini şərh etməyəcək
ABŞ Dövlət Departamenti bundan sonra xarici ölkələrdə keçirilən seçkilərin ədalətli olub-olmaması ilə bağlı açıqlamalar verməyəcək. Yeni qaydalara əsasən, ABŞ yalnız bu məsələ ölkənin “aydın və inandırıcı” milli maraqlarına zidd olduğu hallarda seçkilərin düzgünlüyü barədə mövqe bildirəcək.
Bu barədə Crossmedia.az “The Wall Street Journal” nəşrinə istinadən bildirir ki, ABŞ rəsmiləri artıq əsas diqqəti seçkilərdə qalib gələn tərəfləri təbrik etməyə yönəldəcək, prosesin şəffaflığı və demokratikliyi ilə bağlı ictimai şərhlər isə istisna hal kimi qiymətləndiriləcək. Bu addım ABŞ xarici siyasətində yeni yanaşmanı əks etdirir və bəzi ekspertlər tərəfindən beynəlxalq demokratik dəyərlərin təbliğində geriləmə kimi dəyərləndirilir.
03:32 18.07.2025
Oxunuş sayı: 6722
