AMEA əməkdaşları Milli Mətbuat Günü münasibətilə YAP Yasamal rayon təşkilatı tərəfindən təltif olunublar
AMEA Rəyasət Heyəti aparatının İctimaiyyətlə əlaqələr, mətbuat və informasiya şöbəsinin müdiri fil.ü.f.d. Ağahüseyn Şükürov 22 İyul – Milli Mətbuat Günü münasibətilə və Partiyada ictimai-siyasi fəaliyyətinə görə Yeni Azərbaycan Partiyası Yasamal rayon təşkilatı tərəfindən Fəxri fərmanla təltif olunub.
Crossmedia.az xəbər verir ki, AMEA-nın Mərkəzi Elmi Kitabxanasının şöbə müdiri, jurnalist Mübariz Göyüşlü Yeni Azərbaycan Partiyasının Yasamal rayon təşkilatının Təşəkkürnaməsinə layiq görülüb.
Sözügedən mükafatlar YAP Yasamal rayon təşkilatının sədri Bəxtiyar Nəbiyev tərəfindən iyulun 17-də AMEA-nın Əsas binasında keçirilən və Azərbaycan milli mətbuatının yaranmasının 150 illiyinə həsr edilən “Azərbaycan mətbuatının inkişaf və vəzifələri” mövzusunda konfrans çərçivəsində təqdim olunub.
21:38 17.07.2025
Oxunuş sayı: 15459
