İranda ABŞ istehsalı silah-sursat ələ keçirildi
İranın cənub-şərqində yerləşən Sistan və Bəlucistan vilayətlərində son iki gün ərzində İran Müdafiə Nazirliyinin Baş Kəşfiyyat İdarəsinin əməkdaşları tərəfindən xüsusi əməliyyat keçirilib. Əməliyyat nəticəsində ABŞ istehsalı olan iri həcmdə silah və sursat müsadirə olunub.
Crossmedia.az xarici mediaya istinadən bildirir ki, İran rəsmilərinin açıqlamasına əsasən, bölgədə sabitliyi pozmağa çalışan radikal qrupların arxasında İsrailin bəzi nümayəndələrinin dayandığı ehtimal olunur. Rəsmi məlumatda qeyd olunur: “Amerika-sionist düşmənin bölgədə sabitliyi sarsıtmaq cəhdi ölkənin kəşfiyyat xidmətinin fəaliyyəti və yerli əhalinin dəstəyi nəticəsində uğursuzluğa düçar olub”.
Hadisə ilə bağlı əlavə araşdırmalar davam etdirilir. İran tərəfi bu cür cəhdlərin qarşısının qətiyyətlə alınacağını bəyan edib.
Fatimə Nəbiyeva
10:30 25.06.2025
Oxunuş sayı: 553
