ABŞ Konqresi Trampın impiçmentini rədd etdi
ABŞ Konqresinin Nümayəndələr Palatası prezident Donald Trampın impiçmentinə dair təqdim olunan qətnaməni qəbul etməyib. Qətnamə Texas ştatından olan demokrat konqresmen El Qrin tərəfindən irəli sürülmüşdü və Trampın Konqresin razılığı olmadan İranın nüvə obyektlərinə qarşı həyata keçirdiyi hava zərbələrinə etiraz olaraq hazırlanmışdı.
Crossmedia.az xarici mediaya istinadən bildirir ki, El Qrinin təqdim etdiyi impiçment təşəbbüsünü cəmi 79 demokrat dəstəkləyib. Qətnamənin əleyhinə isə 344 konqresmen səs verib. Onların sırasında bütün respublikaçılarla yanaşı, 128 demokrat da yer alıb.
Beləliklə, təşəbbüs Palatada yetərli dəstəyi qazanmadığı üçün rədd edilib. Bu, Donald Trampa qarşı irəli sürülən impiçment cəhdlərindən biri olsa da, ABŞ qanunverici orqanında bu istiqamətdə irəliləyişə səbəb olmayıb.
Fatimə Nəbiyeva
10:25 25.06.2025
Oxunuş sayı: 641
