Tehranda on minlərlə insan küçələrə axışdı: "İran qalib gəldi!"
İranın paytaxtı Tehranda İsraillə əldə olunan atəşkəs razılaşmasının ardından on minlərlə insan küçələrə çıxaraq nümayiş keçirib.
Crossmedia.az İran mediasına istinadən xəbər verir ki, inqilab meydanında baş tutan aksiyada iştirakçılar İran Silahlı Qüvvələrinə və İnqilab Keşikçiləri Korpusuna dəstək şüarları səsləndiriblər. “İran qalib gəldi”, “Liderimizin arxasındayıq”, “Biz döyüşməyi bilən millətik” kimi ifadələr daşıyan plakatlar aksiyaya damğa vurub.
Eyni zamanda, nümayişçilər “Sionist rejim yox olacaq” və “Liderim üçün canımı qurban verərəm” kimi çağırışlarla çıxış ediblər.
Xatırladaq ki, ABŞ Prezidenti Donald Tramp atəşkəsin əldə olunduğunu açıqlamış və razılaşmanın qüvvəyə minməsindən sonra tərəflər arasında hücumların dayandırıldığını bildirmişdi.
Aybəniz Səfərova
00:36 25.06.2025
Oxunuş sayı: 10931
