İran: “Təcavüz davam etdiyi müddətdə ABŞ ilə danışıqlar mümkün deyil”
İranın xarici işlər naziri Abbas Əraqçı ABŞ ilə birbaşa danışıqların hazırkı mərhələdə mümkün olmadığını bəyan edib.
Crossmedia.az xəbər verir ki, nazir bu barədə “Əl-Ərəbi Əl-Cədid” agentliyinə verdiyi müsahibədə danışıb.
Əraqçı bildirib ki, İranın Qətərin suverenliyinə və ərazi bütövlüyünə daim hörmətlə yanaşdığını vurğulayıb:
“Birləşmiş Ştatlardan müxtəlif mesajlar almışıq və onlara vasitəçilər, eləcə də dolayı kanallar vasitəsilə münasib cavablar vermişik. Lakin bütün vasitəçilərə açıq şəkildə bildirmişik ki, təcavüz davam etdiyi müddətcə İran ABŞ ilə danışıqlar masasına əyləşməyəcək”.
Nazir əlavə edib ki, hazırda regionda İran xalqı ilə ərəb və İslam ölkələrinin ictimai rəyi arasında həmrəylik hər zamankından daha güclüdür.
Aybəniz Səfərova
22:07 24.06.2025
Oxunuş sayı: 6983
