Türkiyə və Çin İran-İsrail gərginliyinə qarşı ortaq həll yolları axtarır
Türkiyənin xarici işlər naziri Hakan Fidan və Çin Xalq Respublikasının xarici siyasət idarəsinin rəhbəri Van İ arasında baş tutan telefon danışığında əsas diqqət İran və İsrail arasında artan gərginliyə yönəlib.
Crossmedia.az xəbər verir ki, Türkiyə Xarici İşlər Nazirliyinin yaydığı məlumatda tərəflərin bölgədəki eskalasiyanın qarşısının alınması məqsədilə atıla biləcək addımları müzakirə etdikləri bildirilib.
Telefon danışığında Qəzza zolağındakı vəziyyət də əsas müzakirə mövzularından biri olub.
Hər iki nazir dayanıqlı və ədalətli həll yolunun yalnız “iki dövlət” prinsipi əsasında mümkün olduğunu vurğulayıb.
Bundan əlavə, siyasi, iqtisadi və regional sahələrdə ikitərəfli əməkdaşlıq imkanları da nəzərdən keçirilib.
20:34 24.06.2025
Oxunuş sayı: 10763
