İran Qətərə endirilən zərbəyə görə üzr istədi
İran Prezidenti Məsud Pezeşkian Qətər Əmiri Şeyx Təmim bin Həməd Al Tani ilə telefon danışığı zamanı İranın hava zərbələrinin Qətər ərazisində yerləşən bir hədəfə tuş gəlməsindən təəssüf etdiyini bildirib.
Crossmedia.az xəbər verir ki, bu barədə Qətərin xarici işlər naziri Şeyx Məhəmməd bin Əbdürrəhman Al Tani CNN-ə açıqlamasında məlumat verib.
“Yaxın günlərdə Əmir ilə İran Prezidenti arasında telefon danışığı baş tutub. Prezident Pezeşkian Qətərdəki hədəfə endirilmiş zərbə ilə bağlı dərin təəssüf hissini ifadə edib”, – deyə nazir bildirib.
Qeyd edək ki, İranın endirdiyi raket zərbələrindən biri ABŞ-nin Qətərdə, Dohanın yaxınlığında yerləşən Əl-Udeyd hərbi bazasına yönəlmişdi. Sözügedən insident bölgədə ciddi narahatlığa səbəb olub.
20:10 24.06.2025
Oxunuş sayı: 12937
