ABŞ rəsmisi: "Vaşinqton İsrailə dəstəyə hazırlaşır"
ABŞ rəsmisi İsrailin “i24 News” telekanalına açıqlamasında Vaşinqtonun Tramp administrasiyasının razılığı halında İsrailin İrana qarşı apardığı hərbi əməliyyatlara dəstək verməyə hazırlaşdığını bildirib.
Crossmedia.az xəbər verir ki, rəsminin sözlərinə görə, “ABŞ Mərkəzi Komandanlığı (CENTCOM) bu prosesə qoşulmağın zəruri olduğunu düşünür. Lakin administrasiyada bu addıma qarşı çıxan yüksək vəzifəli məmurlar da var”.
Qeyd edək ki, son günlər İran və İsrail arasında artan gərginlik beynəlxalq ictimaiyyətin ciddi narahatlığına səbəb olub. Mütəxəssislər münaqişənin təkcə regional çərçivədə qalmayaraq genişmiqyaslı silahlı qarşıdurmaya çevrilə biləcəyindən ehtiyat edirlər. ABŞ-nin bu prosesdə hansı mövqe tutacağı isə Yaxın Şərqdəki güc balansına ciddi təsir göstərə bilər.
10:13 17.06.2025
Oxunuş sayı: 697
