Tramp tapşırıq verdi: İran rəsmiləri ilə görüş keçirin
ABŞ Prezidenti Donald Trampın evakuasiya ilə bağlı sözləri İranı danışıqları bərpa etməyə inandırmaq məqsədi daşıyır.
Crossmedia.az xəbər verir ki, bu barədə CNN məlumat yayıb.
“Donald Trampın “Truth Social” sosial şəbəkəsində “Tehrandan təcili təxliyə” çağırışı İranın nüvə sazişi üzrə danışıqlar masası arxasına əyləşməsinin zəruriliyini əks etdirir. Donald Tramp G7 sammitində olarkən dövlət katibi Marko Rubio və digər rəsmi şəxslərdən gün ərzində müntəzəm olaraq yeniliklər alıb. ABŞ-nin vitse-prezidenti J.D. Vens, Birləşmiş Qərargah Rəisləri Komitəsinin sədri Den Keyn və digər yüksək səviyyəli köməkçilər Ağ Evə toplaşıblar. Donald Tramp təklif edib ki, o, tezliklə İranla İsraillə münaqişəyə son qoyacaq diplomatik saziş bağlaya bilər. Tramp öz komandasının üzvlərinə İran rəsmiləri ilə tez bir zamanda görüş qurmağı tapşırıb. Ehtimallara görə, bu, Ağ Ev rəhbərinin Tehrana nüvə sazişi ilə bağlı “son və həlledici təklif” etmək niyyəti ilə bağlıdır”, - deyə məlumatda bildirilir.
Nəzrin Salmanova
09:58 17.06.2025
Oxunuş sayı: 10414
