Netanyahu: “Xameneyinin aradan götürülməsi münaqişəyə son qoya bilər”
İsrailin baş naziri Benyamin Netanyahu İranın ali dini lideri Ayətullah Əli Xameneyinin aradan götürülməsinin bölgədəki gərginliyi artırmayacağını, əksinə münaqişəni sona çatdıra biləcəyini bildirib.
Crossmedia.az xəbər verir ki, Netanyahu bu barədə “ABC News” telekanalına müsahibəsində danışıb. O, İsrailin hazırda “etməli olduğu işi” gördüyünü deyərək, Xameneyinin vəzifədən uzaqlaşdırılması ehtimalını istisna etmədiyini açıqlayıb.
ABŞ mətbuatında yayılan, Prezident Donald Trampın Xameneyinin hədəf alınmasına dair planları eskalasiya qorxusu səbəbilə rədd etdiyi barədə xəbərlərə cavab verən Netanyahu bildirib:
“Bu addım münaqişəni daha da alovlandırmaz, əksinə onu bitirə bilər".
İsrail lideri həmçinin ABŞ-nin İranın nüvə proqramının qarşısını almaq üçün İsrailə dəstək verməsinin Vaşinqtonun da maraqlarına uyğun olduğunu vurğulayıb:
“Bu gün Tel-Əvivdir, sabah Nyu York ola bilər. ‘Öncə Amerika’ şüarını anlayıram, amma ‘Amerikaya ölüm’ şüarını anlaya bilmirəm. Onlar bu şüarı səsləndirəndə, gerçəkdən onu istəyirlər".
Netanyahu sonda Trampın mövqeyini yüksək qiymətləndirdiyini əlavə edib:
“Biz insanlığa xidmət edən bir missiyanı yerinə yetiririk. Bu, yaxşı ilə şərin mübarizəsidir. Vaşinqton doğru tərəfdə dayanır və mən Prezident Trampı bu mövqeyinə görə dərin şəkildə dəstəkləyirəm”.
03:00 17.06.2025
Oxunuş sayı: 9728
