İsrail bu dəfə İranın dövlət televiziyasını hədəf aldı
İsrail və İran arasında iyunun 13-dən etibarən davam edən qarşıdurmalar çərçivəsində İsrail ordusu bu dəfə İranın dövlət televiziya kanalı IRIB-in Tehrandakı ofisini hədəf alıb.
Crossmedia.az İran mediasına istinadən xəbər verir ki, hücum birbaşa canlı yayım zamanı həyata keçirilib. Qadın aparıcının efir zamanı baş verən partlayışdan qorxaraq studiyanı tərk etməsi və ekranda toz-dumanın yüksəlməsi anbaan görüntülərə əks olunub. Rəsmilər hücum nəticəsində çox sayda ölən və yaralananın olduğunu bildirirlər.
İsrail Müdafiə Nazirliyi hücumdan əvvəl IRIB-in yerləşdiyi ərazi üçün təxliyə xəbərdarlığı etmişdi. Müdafiə naziri İsrael Kats hadisə ilə bağlı açıqlamasında bildirib: “İranın təbliğat və təhrik dili yox olmaqdadır”.
Mədinə Cəlilova
22:15 16.06.2025
Oxunuş sayı: 9235
