Pezeşkian: "Müharibə istəmirik, amma İrana hücum cavabsız qalmayacaq"
İran Prezidenti Məsud Pezeşkian Türkiyə Prezidenti Rəcəb Tayyib Ərdoğanla telefon danışığının ardından sosial media hesabında açıqlama yayıb.
Crossmedia.az xəbər verir ki, o, bölgədə gərginliyin artdığı bir vaxtda İranın müharibə istəmədiyini, lakin təhlükəsizlik və suverenlik məsələsində geri çəkilməyəcəyini vurğulayıb.
Pezeşkian bildirib ki, Türkiyə lideri ilə danışıq zamanı Tehranın müdafiə mövqeyi açıq şəkildə ifadə olunub:
“Bu gün Türkiyə Prezidenti ilə telefon danışığımda müharibəyə başlamadığımızı, lakin sionistlərin cinayətlərinə qətiyyətlə cavab verəcəyimizi, hansı səviyyədə hücum etsələr, eyni səviyyədə cavab alacaqlarını vurğuladım”.
İran Prezidenti qeyd edib ki, Tehranın məqsədi regionda müharibəni qızışdırmaq deyil, lakin ölkəyə qarşı istənilən hücumun cavabsız qalmayacağı da açıq mesajdır:
“Biz müharibəni qızışdırmaq istəmirik, lakin İrana qarşı istənilən təcavüzə cavab verəcəyik”.
Aybəniz Səfərova
21:25 16.06.2025
Oxunuş sayı: 9381
