Türkiyə-ABŞ arasında strateji zəng: NATO görüşü öncəsi diplomatik təmas
Türkiyənin xarici işlər naziri Hakan Fidan ABŞ dövlət katibi Marko Rubio ilə telefon danışığı aparıb.
Crossmedia.az xəbər verir ki, danışıq zamanı iki ölkə arasında ikitərəfli münasibətlərlə yanaşı, Suriya, Qəzza və Ukrayna başda olmaqla bir sıra regional məsələlər müzakirə olunub.
Fidan Suriyada sabitliyin və rifahın təmin olunması üçün bu ölkəyə qarşı tətbiq edilən sanksiyaların ləğv olunmasının vacibliyini vurğulayıb.
Danışıq zamanı həmçinin ABŞ vətəndaşı Edan Aleksandrın HƏMAS tərəfindən azad edilməsinin əhəmiyyəti qeyd edilib, Rusiya-Ukrayna arasında planlaşdırılan sülh danışıqları ilə bağlı fikir mübadiləsi aparılıb.
Tərəflər, həmçinin, Marko Rubionun mayın 14–15-də Antalyada keçiriləcək NATO ölkələrinin xarici işlər nazirlərinin qeyri-rəsmi toplantısı çərçivəsində Türkiyəyə planlaşdırılan səfərinin təfərrüatlarını da müzakirə ediblər.
Aybəniz Səfərova
22:11 12.05.2025
Oxunuş sayı: 9159
