Roma Papasının ağciyərində xərçəng aşkarlanıb: Vatikandan yeni açıqlama
Roma Papası XIV Leonun ağciyərindən keçirdiyi əməliyyatdan sonra səhhətində müsbət irəliləyiş müşahidə olunur.
Crossmedia.az xəbər verir ki, bu barədə Vatikanın rəsmi informasiya orqanı “Vatican News” məlumat yayıb.
Bildirilib ki, Romanın Cemelli xəstəxanasında müalicə alan 70 yaşlı pontifikin əməliyyatdan sonrakı dördüncü günündə aparılan qan analizləri və döş qəfəsinin rentgen müayinəsi sağlamlıq vəziyyətinin yaxşılaşdığını göstərib.
Həkimlərin açıqlamasına görə, Roma Papasının tənəffüs funksiyalarının bərpası məqsədilə fizioterapiya seansları davam etdirilir. O, artıq gündəlik fəaliyyətlərini müstəqil şəkildə yerinə yetirə bilir.
Qeyd edək ki, XIV Leo çərşənbə axşamı ağciyərində aşkarlanan bədxassəli şiş səbəbindən əməliyyat olunub. Cərrahi müdaxilə zamanı onun sağ ağciyərinin aşağı payı çıxarılıb.
17:37 16.10.2026
Oxunuş sayı: 51
