PKK silahlı fəaliyyətini dayandırdı: 40 illik münaqişəyə son
PKK terror təşkilatı silahlı fəaliyyətini dayandırdığını və özünü ləğv etdiyini açıqlayıb. Bu addım 40 ildən artıq davam edən silahlı münaqişənin rəsmi olaraq sona çatdığını göstərir. Təşkilatın silahı buraxması Türkiyə üçün həm daxili təhlükəsizlik, həm də beynəlxalq münasibətlər baxımından mühüm dönüş nöqtəsi hesab olunur.
Crossmedia.az xarici mediaya istinadən bildirir ki, bu hadisə beynəlxalq mediada da geniş rezonans doğurub. PKK-nın özünü ləğv etməsi ilə Türkiyəyə qarşı silahlı üsyan sona çatıb. Bu tarixi qərarın NATO üzvü olan Türkiyənin regionda gücünü artırmaq hədəfini dəstəkləyə biləcəyini vurğulayıb. 40 illik silahlı qarşıdurmanın rəsmi olaraq başa çatdığını qeyd edilib.
Ekspertlər bu qərarın bölgədə sabitliyə töhfə verəcəyini, Türkiyənin isə həm diplomatik, həm də hərbi baxımdan daha güclü mövqe əldə edə biləcəyini bildirirlər. Hazırda prosesin necə həyata keçiriləcəyi və bölgədəki digər silahlı qrupların bu qərara münasibəti diqqətlə izlənilir.
Fatimə Nəbiyeva
18:54 12.05.2025
Oxunuş sayı: 795
