İsrail-Suriya sərhədində gərginlik: Druzlarla bağlı təxliyə və rəsmi açıqlama
İsrail ordusuna məxsus helikopter Suriya ərazisindən yaralanmış druz icmasının üzvlərini təxliyə edərək Safed şəhərindəki Ziv xəstəxanasına çatdırıb. Hadisə regionda vəziyyətin bir qədər də gərginləşməsinə səbəb olub.
Hazırda İsrail Baş naziri Benyamin Netanyahu Təl-Əvivdə Suriyada baş verən hadisələrlə bağlı təhlükəsizlik məsləhətləşmələri aparır. Görüşdə regional vəziyyətin mümkün inkişaf ssenariləri və təhlükəsizlik tədbirləri müzakirə edilir.
Məsələ ilə bağlı Suriya Xarici İşlər Nazirliyi də bəyanat yayıb. Nazirliyin açıqlamasında bildirilir ki, Suriya hökuməti ölkə daxilində yaşayan bütün vətəndaşların, o cümlədən druz icmasının təhlükəsizliyini təmin etməkdə qərarlıdır.
Bəyanatda həmçinin vurğulanır: “Suriyanın daxili işlərinə edilən bütün müdaxilələrə cavab veriləcək. Ölkənin suverenliyi heç bir halda müzakirə mövzusu ola bilməz.”
Regionda vəziyyətin hansı istiqamətdə inkişaf edəcəyi hələlik naməlum qalır.
23:40 30.04.2025
Oxunuş sayı: 577
