İran hökumətinin sözçüsü: “Bəndər Abbas partlayışı barədə xalqdan heç nə gizlətmirik”
Bu gün İran hökumətinin sözçüsü Fatimə Mühacirani jurnalistlərlə keçirilən brifinqdə Şəhid Rəcai limanında baş vermiş partlayışla bağlı açıqlama verib.
Crossmedia.az xarici KİV-ə istinadən xəbər verir ki, o bildirib ki, hadisə ilə bağlı xalqdan heç bir məlumat gizlədilmir:
“Şəhid Rəcai limanındakı partlayışla bağlı deyə bilərəm ki, bizə İran xalqından daha yaxın heç kimimiz yoxdur. Xalqa həqiqəti deməmək üçün də heç bir səbəb görmürük. Ona görə də məsələ tam şəffaf şəkildə insanlara çatdırılır.”
Partlayış nəticəsində zərərçəkənlərin sayının 70 nəfər olduğunu vurğulayan hökumət sözçüsü medianın hadisə yerindən xəbərləri yayımlaya bilməməsinin səbəbinə də aydınlıq gətirib:
“Media nümayəndələri təhlükəni qəbul edərək ora gediblər. Hazırda daha bir konteynerin partlaması ehtimalı var. Təhlükəsizlik şəraiti yaradıldıqdan sonra insanların ora getməsinə icazə veriləcək.”
Həmayıl Şükürlü
21:46 30.04.2025
Oxunuş sayı: 10153
