İtaliya ilin dəfn mərasiminə hazırlaşır: Vatikan qalaya çevrildi
İtaliya hökuməti Katolik dünyasının ruhani lideri Papa Fransiskin şənbə günü keçiriləcək dəfn mərasimi üçün son hazırlıqlara başlayıb.
Crossmedia.az İtaliya mətbuatına istinadən xəbər verir ki, təhlükəsizlik tədbirləri ən yüksək səviyyəyə çatdırılıb. Damlarda snayperlər yerləşdirilib, pilotsuz uçuş aparatları nəzarətə götürülüb, döyüş təyyarələri hazır vəziyyətə gətirilib.
Roma və Vatikan şəhəri, yüz minlərlə insanın axın edəcəyi mərasim üçün demək olar ki, hərbi vəziyyətə salınıb. Vatikanı əhatə edən küçələrdə ciddi təhlükəsizlik tədbirləri görülüb, polis və digər qüvvələr izdihamı idarə etmək üçün koordinasiyalı şəkildə çalışır.
Mərasim şənbə günü yerli vaxtla saat 10:00-da Vatikanın məşhur Əziz Pyotr Meydanında keçiriləcək. Dəfnə dünyanın dörd bir yanından gələn dövlət başçıları, kardinal rütbəli din xadimləri və minlərlə zəvvar qatılacaq.
Papa Fransiskin Əziz Pyotr Bazilikasında torpağa tapşırılması zamanı Katoliklər ona son ehtiramlarını bildirəcək. Lakin bəzi yas tutanlar mərasimdə Papa ilə “selfie” çəkənlərə etiraz edib.
İngiltərədən bir kardinal isə dünya liderlərinin mərasimə qatılmaq üçün Romaya gəlməsini tənqid edərək, bu dəfnin “böyük eqoların səhnələndiyi bir şah əsər” olacağını deyib.
Mədinə Cəlilova
21:06 25.04.2025
Oxunuş sayı: 11197
