İrakli Qaribaşvili siyasətdən getdiyini açıqladı
Gürcüstanın sabiq baş naziri və hakim “Gürcü Arzusu” Partiyasının sədri İrakli Qaribaşvili siyasətdən ayrıldığını bəyan edib. Crossmedia.az bildirir ki,o, artıq partiya sədrliyində və ümumiyyətlə siyasətdə qalmağa ehtiyac görmədiyini bildirib.
Xüsusi brifinqdə çıxış edən Qaribaşvili qeyd edib ki, ölkəsinə başqa mövqedən xidmət etməyə davam edəcək. O, fəaliyyətini özəl sektorda davam etdirəcəyini desə də, detalları açıqlamayıb.
Qaribaşvili həmçinin müxalifət sıralarından siyasətə qayıdacağı ehtimalını da istisna edib. “Mən cənab Bidzina İvanişvilinin komandası və ölkəm qarşısında sadiq əsgər olaraq qalıram”, – deyə sabiq baş nazir vurğulayıb.
Aydan Quliyeva
20:01 25.04.2025
Oxunuş sayı: 10393
