Ərdoğan: XXI əsrdə mübarizə neft uğrunda yox, su uğrunda olacaq
Türkiyə Prezidenti Rəcəb Tayyib Ərdoğan bildirib ki, gələcəkdə dünyanın əsas mübarizəsi neft deyil, su kimi strateji resurs uğrunda aparılacaq.
Crossmedia.az bildirir ki,onun sözlərinə görə, su XXI əsrin ən vacib strateji ehtiyatına çevriləcək.
“Türkiyə su ehtiyatları baxımından zəngin ölkə deyil. Su qıtlığı şəraitində yaşayırıq. Əgər lazımi tədbirlər görülməzsə, gələcəkdə daha ciddi problemlərlə üz-üzə qala bilərik”,– deyə Ərdoğan vurğulayıb.
Həmçinin dövlət başçısı regionda uzun illərdir davam edən qeyri-sabitlik və münaqişələrin yeni böhranlara səbəb olmamasını istədiklərini bildirib. O qeyd edib ki, “Suriyanın və İraqın şimalında həyata keçirilən transsərhəd əməliyyatlar nəticəsində terrorizmi mənbəyində aradan qaldırmaq mərhələsinə yaxınlaşmışıq və hazırda yeni bir mərhələyə keçirik”.
Fidan Xəlilova
14:55 18.04.2025
Oxunuş sayı: 6929
