Xameneyi: “İran- Səudiyyə Ərəbistanı əlaqələrinin faydalı olacağına inanırıq”
Dünən Tehrana səfər edən Səudiyyə Ərəbistanının müdafiə naziri Xalid bin Salman İranın ali rəhbəri Əli Xameneyi ilə görüşündə ölkəsinin kralının mesajını ona təqdim edib.
Crossmedia.az xəbər verir ki , bu barədə “İran diplomatiyası” məlumat verib.
Xameneyi görüşdə İran və Səudiyyə Ərəbistanı arasındakı əlaqələrin hər iki ölkə üçün faydalı olacağına inandığını vurğulayıb. İki ölkənin münasibətlərinin genişlənməsinin bədxahları və düşmənləri olduğunu deyən Xameneyi əlavə edib: “Bu düşmənçilik motivlərinə qalib gəlmək lazımdır və biz buna hazırıq”.
Səudiyyəli nazir isə öz növbəsində bildirib ki, “baş tutan konstruktiv danışıqlar iki ölkə arasında keçmişdə olduğundan daha möhkəm əlaqələri təmin edəcək”.
13:50 18.04.2025
Oxunuş sayı: 1048
