Builki V "Yüksəliş" müsabiqəsinə qeydiyyat sayı ötən illərdəki iştirakçı sayını geridə qoyub
“28 fevral 2025-ci il tarixində Yüksəliş müsabiqəsinə başlayan qeydiyyat mərhələsi 10 aprel 2025-ci ildə uğurla başa çatıb. Bu müddət ərzində ümumilikdə 16 553 nəfər müsabiqəyə qatılmaq üçün müraciət edib. Bu göstərici ilə builki qeydiyyat əvvəlki illərlə müqayisədə rekord səviyyədə nəticə göstərib”.
Crossmedia.az xəbər verir ki, bunu “Yüksəliş” müsabiqəsinin İşçi Qrupunun rəhbəri, gənclər və idman nazirinin müavini Fərhad Hacıyev mətbuat konfransında deyib.
Onun sözlərinə görə müsabiqəyə bu il 9976 nəfər ötən illərdə keçirilən müsabiqədə də iştirak etmiş namizədlər arasından təkrar müraciət edib:
“Müsabiqəyə ilk dəfə müraciət edən namizədlərin sayı isə 6577 nəfərdir. Ərazi bölgüsünə nəzər yetirdikdə isə namizədlərin əksəriyyəti Bakı, Abşeron-Xızı və Qarabağ iqtisadi rayonlarından müraciət ediblər.
Qarşıda müsabiqənin növbəti mərhələsi olan onlayn mərhələnin Ümumi biliklər üzrə ilk sınaq imtahanı gəlir. Bu mərhələdə iştirakçılara Azərbaycan və dünya üzrə tarix, coğrafiya, ədəbiyyat və mədəniyyət, idarəetmənin əsasları, eləcə də müasir trendləri əhatə edən 4 blok üzrə 25 sual təqdim olunacaq.
Bu il yüksəliş müsabiqəsində doktorantların sayı artıb 1143 nəfər. Ümumi doktorantların 213 nəfəri xaricdə təhsil alanlardır”.
Qeyd edək ki, sayca beşinci “Yüksəliş” müsabiqəsinin keçirilməsi ilə bağlı Azərbaycan Respublikasının Prezidenti İlham Əliyev tərəfindən 18 dekabr 2024-cü il tarixində müvafiq Sərəncam imzalanıb.
Ayhan Ağarzayev
Həmayıl Şükürlü
12:32 18.04.2025
Oxunuş sayı: 928
