Yunanıstan hökuməti rəsmi Dəniz Məkan Planlaması xəritəsini yayımlayıb
Sənəddə, Egey dənizində yerləşən bütün Yunan adalarına – hətta Türkiyə sahilinə cəmi 2 kilometr məsafədə yerləşən Kastellorizo (Meis) adasına da – tam suveren dəniz hüquqlarını tanıyıb.
Crossmedia.az bu barədə xarici KİV-ə istinadən məlumat verir.
Yunanıstanın bu addımı, BMT-nin Dəniz Hüququ Konvensiyasına (UNCLOS) əsaslanır və adaların ətrafında 12 dəniz mili ərazi və geniş iqtisadi zona (EEZ) hüquqları əldə etməyi nəzərdə tutur. Yunanıstan Kastellorizo adasına əsaslanaraq 40,000 kvadrat kilometrə qədər dəniz zonası iddia edir.
Bu isə Türkiyənin sərt etirazına səbəb olub. Ankara, hüquqların ədalət prinsipi ilə tarazlaşdırılmalı olduğunu vurğulayır Türkiyə isə öz Dəniz Məkan Planlaması sənədində, adaların hüquqlarını məhdudlaşdıraraq “ədalətli bölgü” prinsipini əsas götürür.
Türkiyə Xarici İşlər Nazirliyindən verilən açıqlamada, Yunanıstanın bu xəritəsi “maksimalist və birtərəfli” adlandırılıb və “bölgədə sülh və sabitliyə zərər verə biləcək yeni təxribat” kimi qiymətləndirilib.
16:33 17.04.2025
Oxunuş sayı: 840
