Türkiyə tarixinin ən böyük narkotik əməliyyatı keçirilib
Türkiyə Daxili İşlər Nazirliyinin keçirdiyi “NARKOKAPAN-Ankara” əməliyyatı nəticəsində 525 nəfər saxlanılıb.
Crossmedia.az “TRT Haber”ə istinadən xəbər verir ki, bu barədə daxili işlər naziri Əli Yerlikaya sosial şəbəkədəki səhifəsində bildirib.
Onun sözlərinə görə, bu, Türkiyə Respublikası tarixində narkotikə qarşı ən böyük əməliyyatdır: "Bu gün səhər saat 05:00-da başlayan respublika tariximizin ən böyük narkotik əməliyyatını paytaxtımız Ankarada həyata keçirdik”.
Nazir qeyd edib ki, əməliyyata 4 min 768 polis, 1461 xüsusi təyinatlı, 40 xüsusi təlim görmüş detektor it, 4 PUA və hava dəstək ünsürləri qatılıb. Onlar 626 fərqli ünvanda eyni zamanda əməliyyat keçirərək 525 nəfəri saxlayıblar. Əməliyyat davam edir.
11:40 17.04.2025
Oxunuş sayı: 5734
