İsrail və Türkiyə Suriyada gərginliyi azaltmağa çalışır
İsrail və Türkiyə Suriyada gərginliyi azaltmaq məqsədilə qeyri-rəsmi razılıq əldə ediblər. Bu razılaşma artıq son texniki danışıqların tonuna da təsir edib.
Crossmedia.az xarici mediaya istinadən bildirir ki, İsrailin hərbi mənbəsi hava zərbələrinin məhdud və nəzarət altında davam edəcəyini deyib. O, əməliyyatların intensivliyinin Türkiyənin fəaliyyətindən asılı olacağını bildirib.
Digər bir mənbə danışıqları "konstruktiv" adlandırıb və hər iki tərəfin gərginliyin azalmasına yönəldiyini vurğulayıb.
Əvvəllər İsrail Vaşinqtonda Türkiyənin təsirinə qarşı çıxsa da, Netanyahunun Tramp ilə görüşündən sonra Ankara ilə dialoq ideyasına daha ciddi yanaşmağa başlayıb. İsrail mənbələrinin sözlərinə görə, ABŞ bu təmaslardan xəbərdardır.
Türkiyə rəsmiləri isə şərh verməkdən imtina ediblər.
Fatimə Nəbiyeva
07:19 17.04.2025
Oxunuş sayı: 8024
