Xarici xəbərlər
Rusiya barədə məşhur kitabda yazılanlar üzə çıxdı: tarixi təhrif, yoxsa fəlakət anonsu?
“Hubris” kitabının müəllifi Jonathan Haslamın ABŞ-nin xarici siyasəti və NATO-nun genişlənməsi ilə bağlı irəli sürdüyü fikirlər ciddi tənqid olunub.
Crossmedia.az xəbər verir ki, bu barədə “Foreign Affairs” jurnalında dərc olunan məlumat yazılıb.
Məqalədə bildirilir ki, Haslamın kitabında bir sıra faktiki səhvlərə yol verilib, o cümlədən Almaniyanın keçmiş xarici işlər naziri Hans-Dietrix Genscherin 1990-cı il fevralın ikisində SSRİ lideri Mixail Qorbaçova deyil, ABŞ dövlət katibi Ceyms Beykərə NATO-nun Şərqi Avropaya genişlənməyəcəyini deməsi kimi detallarda çaşqınlıq var. Arxiv sənədləri və Genscherin xatirələri bu görüşün Vaşinqtonda baş tutduğunu təsdiqləyir.
Belə ki, Haslamın istinad etdiyi bəzi mənbələr etibarsız hesab edilir. Tənqid müəllifləri qeyd edir ki, tarixi hadisələrin dəqiq və etibarlı mənbələrə əsaslanması vacibdir.
Məqalədə vurğulanır ki, kitabda Yaxın Şərq, NATO və ABŞ-nin 1990-cı illərdəki siyasəti ilə bağlı zaman, məkan və siyasi proseslərlə əlaqəli yanlışlıqlar yer alıb.
Həmçinin bildirilir ki, Haslam kitabda ABŞ-nin və NATO-nun Ukraynanı zorla öz tərəfinə çəkməyə çalışdığını iddia etsə də, tarixi faktlar əksini göstərir. 1991-ci il referendumunda ukraynalıların 90%-dən çoxu müstəqilliyə səs verib və bu qərar beynəlxalq ictimaiyyət, o cümlədən Rusiya tərəfindən də tanınıb.
Məlumata görə, Rusiya Prezidenti Vladimir Putinin 2014-cü ildə Krımı ilhaq etməsi və 2022-ci ildə Ukraynaya genişmiqyaslı hücumu Qərbin deyil, Kremlin siyasətinin nəticəsidir. NATO və Avropa İttifaqına üzv olmaq istəyi Şərqi Avropa və keçmiş SSRİ ölkələrinin öz suveren qərarı olub.
Sonda vurğulanır ki, tarixi yanlış yozumlara əsaslanan hər hansı sülh razılaşması davamlı olmayacaq və Putinə gələcəkdə yeni hücumlar üçün şərait yaradacaq. Sülh üçün tarixi faktlara əsaslanan dəqiq və obyektiv yanaşma vacibdir.
Fatimə Məmmədova
15:40 13.04.2025
Oxunuş sayı: 3370
