Tramp Rusiyaya qarşı fövqəladə vəziyyət rejimini daha bir il uzatdı
ABŞ Prezidenti Donald Tramp, Rusiya Federasiyasının “zərərli” xarici siyasət fəaliyyətinə görə tətbiq edilən fövqəladə vəziyyət rejiminin müddətini daha bir il uzadıb.
Crossmedia.az ABŞ mətbuatına istinadən xəbər verir ki, qeyd olunan xüsusi rejim, Prezident Co Bayden tərəfindən 15 aprel 2021-ci il tarixində imzalanan 14024 saylı İcra Sərəncamına əsasən elan edilmişdi. Sərəncam Rusiyanın əmlakının bloklanması və əlavə sanksiyaların tətbiqini nəzərdə tutur.
Fövqəladə vəziyyətin səbəbi kimi göstərilən fəaliyyətlərə Rusiyanın ABŞ-də və digər ölkələrdə demokratik seçkilərə müdaxilə cəhdləri, kiber hücumlar və ABŞ-nin milli təhlükəsizliyi, xarici siyasəti və iqtisadiyyatına qarşı “fövqəladə və qeyri-adi təhlükə” yaratmaq məqsədi daşıyan xarici təsir əməliyyatları daxildir.
Mədinə Cəlilova
22:05 12.04.2025
Oxunuş sayı: 1206
