KİV: Rusiyanın məqsədi Ukraynanı tamamilə işğal etmək və dövlətçiliyini sona çatdırmaqdır
Rusiya Prezidenti Vladimir Putinin sülh istəmədiyi artıq aydın olub. ABŞ-də Donald Tramp administrasiyası son iki ayda Moskvaya təzyiq edərək Ukraynanı güzəştlərə məcbur etməyə çalışıb, lakin Rusiya yalnız bəhanələr irəli sürüb və danışıqlardan qaçıb. Putin hələ də açıq şəkildə Trampın sülh təklifini rədd etməsə də, məqsədi Ukraynanı tamamilə işğal etmək və dövlətçiliyini sona çatdırmaqdır.
Crossmedia.az xəbər verir ki, bu barədə "Atlanticcouncil” nəşri məlumat yayıb.
Belə ki, bir çox Qərb liderləri, xüsusilə Fransa Prezidenti Emmanuel Makron Rusiyanın sülh danışıqlarına qatılmamasını tənqid edir. ABŞ rəsmiləri, Rusiya ilə danışıqlarda irəliləyiş olduğunu desələr də, dövlət katibi Mark Rubio bildirib ki, Tramp sonsuz danışıqlara girməyəcək.
Bildirilib ki, Trampın ilkin sülh təklifi uğursuz olub. İndi isə o, Rusiyanı dayandırmaq üçün daha sərt tədbirlər götürməlidir. Putin Ukraynaya qarşı daha çox ərazi tələbləri ilə bağlı israr edir və Ukraynanı dövlət kimi məhv etməyə çalışır.
Həmçinin, ABŞ Rusiyanın işğalını dayandırması üçün xərcləri artırmalı və Rusiyanın hərbi qələbə ümidlərini zəiflətməlidir. Bunu Rusiyanın enerji sahəsinə qarşı daha sərt sanksiyalar tətbiq edərək və Ukraynaya hərbi yardım göndərərək edə bilər. Əgər Tramp Putinlə sülh sazişi istəyirsə, ona məğlubiyyətin alternativ olduğunu göstərməlidir.
Fatimə Məmmədova
21:00 12.04.2025
Oxunuş sayı: 7138
