"Trampın boş başına bir neçə güllə sıxmağın vaxtı çatıb" - İran qəzeti
Birbaşa İranın ali rəhbəri Ayətullah Əli Xameneyiyə tabe olan radikal “Keyhan” qəzeti ABŞ-ın prezidenti Donald Trampı açıq şəkildə qətlə yetirməklə hədələyib. Qəzetin məqaləsində Trampın İrana qarşı hərbi müdaxilə ilə bağlı xəbərdarlıqlarına sərt cavab verilib.
“Tramp çox səhv edib! Qasım Süleymaninin qanının qisasını almaq və Trampın boş başına bir neçə güllə sıxmağın vaxtı çatıb!” – deyə, məqalədə qeyd olunub.
Bu açıq təhdid beynəlxalq ictimaiyyətdə ciddi rezonansa səbəb ola bilər və Vaşinqtonla Tehran arasındakı onsuz da gərgin olan münasibətləri daha da kəskinləşdirə bilər. Qeyd edək ki, “Keyhan” qəzeti İran rəhbərliyinin radikal mövqeyini əks etdirən əsas media orqanlarından biri hesab olunur.
23:59 05.04.2025
Oxunuş sayı: 6970
