Estoniya XİN rəhbəri: "Macarıstan Aİ-də səsvermə hüququndan məhrum edilməlidir”
Estoniyanın xarici işlər naziri Marqus Tsahkna Macarıstanın Avropa İttifaqında səsvermə hüququndan məhrum edilməli olduğunu bildirib. O, Macarıstanı "Putinin komandasında oynamaq"da və Rusiyaya qarşı sanksiyaların uzadılmasına mane olmaqda ittiham edib.
Nazirin sözlərinə görə, bu addım Aİ haqqında Müqavilənin təhlükəsizlik riskləri yaradan dövlətlərə qarşı tətbiqinə imkan verən maddəsinə əsasən atıla bilər: “Əgər bir ölkə İttifaqın təhlükəsizliyini təhdid edirsə, onun səsvermə hüququ ləğv edilə bilər” – deyə Tsahkna vurğulayıb.
O, Macarıstanın Rusiyaya qarşı vahid mövqeyin zəifləməsinə səbəb olduğunu və bu vəziyyətin Aİ-nin birliyi üçün ciddi təhlükə yaratdığını qeyd edib.
23:40 05.04.2025
Oxunuş sayı: 962
