Zelenski: "Birləşmiş Krallıq və Fransa ilə təhlükəsizlik sahəsində əhəmiyyətli razılaşmalar əldə olunub”
Ukrayna Prezidenti Volodimir Zelenski ölkəsinin ordusu ilə tərəfdaş ölkələrin – Birləşmiş Krallığın Baş Qərargah rəisi admiral Ser Toni Radakin və Fransanın Baş Qərargah rəisi general Tyerri Burkar arasında yüksək səviyyəli görüş keçirildiyini açıqlayıb.
Zelenskinin sözlərinə görə, görüş zamanı Ukraynada təhlükəsizliyin təmin olunması və etibarlı təhlükəsizlik zəmanətlərinin formalaşdırılması istiqamətində birgə əməkdaşlıq məsələləri müzakirə olunub.
O, tərəfdaş ölkələrin təhlükəsizlik kontingentlərinin yerləşdirilməsi ilə bağlı ilkin razılaşmaların əldə olunduğunu və bu istiqamətdə nəzərəçarpacaq irəliləyişin olduğunu bildirib.
“Bu səylərimizə dəstək verən bütün ölkələrə, xüsusilə də Birləşmiş Krallıq və Fransaya liderlikləri üçün minnətdaram. Məhz bu cür birgə əməkdaşlıq – hər kəsin güclü nəticəyə fokuslanması Ukraynada davamlı və uzunmüddətli sülhün yaxınlaşmasına kömək edir”, – deyə Zelenski vurğulayıb.
23:35 05.04.2025
Oxunuş sayı: 8852
