Xarici xəbərlər
İsrail ordusu Suriyada T-55 tanklarını məhv etdi
İsrail Müdafiə Qüvvələri Suriyanın cənubunda keçmiş Suriya Ərəb Ordusuna məxsus bir mövqeyə əməliyyat həyata keçirdiyini açıqlayıb. Rəsmi məlumata görə, əməliyyat zamanı bir neçə nəqliyyat vasitəsi, o cümlədən “T-55” tipli tanklar aşkarlanaraq məhv edilib.
Hazırda İsrail ordusu Suriyanın cənubunda yerləşən 9 hərbi mövqedə fəaliyyət göstərir. Bu qüvvələrin 15 kilometr dərinliyə qədər ərazilərdə fəal şəkildə əməliyyatlar apardığı bildirilir.
Əməliyyatın məqsədi bölgədə təhlükəsizlik təhdidlərinin qarşısını almaq və İran tərəfdarlarının möhkəmlənməsinə imkan verməmək kimi qiymətləndirilir.
23:30 05.04.2025
Oxunuş sayı: 981
