Trampın tarifləri Moskva birjasını silkələdi
ABŞ-ın prezidenti Donald Trampın ticarət tariflərinə dair bəyanatları Rusiyanın maliyyə bazarlarında ciddi dalğalanma yaradıb. Nəticədə, Moskva Birjasında (MOEX) qeydiyyatda olan şirkətlərin ümumi kapitallaşması cəmi iki gün ərzində 23,7 milyard dollar azalaraq 55,04 trilyon rubl (651,8 milyard dollar) həcmindən 53,02 trilyon rubla (627,9 milyard dollar) düşüb.
Bununla yanaşı, Rusiyanın ən iri 43 səhmdar cəmiyyətini əhatə edən MOEX Russia indeksi ötən bir həftə ərzində 8,05 faiz dəyər itirib. Bu isə 2022-ci ilin sentyabrında Prezident Vladimir Putinin kütləvi səfərbərlik elanından sonra baş verən sərt bazar reaksiyasından bəri ən ciddi eniş kimi qiymətləndirilir.
22:50 05.04.2025
Oxunuş sayı: 6814
