Hakan Fidan: Tramp Türkiyəyə qarşı CAATSA sanksiyalarının həll yolunu tapa bilər
Türkiyənin xarici işlər naziri Hakan Fidan ABŞ-nin S-400 hava hücumundan müdafiə sistemi alışı ilə bağlı Türkiyəyə tətbiq etdiyi sanksiyalarla bağlı açıqlama verib. O, bu məsələdə sabiq ABŞ Prezidenti Donald Trampın rol oynaya biləcəyini bildirib.
Reuters agentliyinə müsahibəsində Fidan qeyd edib ki, ABŞ-nin Rusiyadan S-400 sistemlərinin alınmasına görə Türkiyəyə qarşı tətbiq etdiyi CAATSA sanksiyaları tarixi anomaliya sayılır və bu vəziyyətin dəyişdirilməsi vacibdir.
“Tramp, çox güman ki, bu məsələ ilə bağlı bir həll yolu tapa bilər. CAATSA sanksiyaları dəyişdirilməlidir”, – deyə nazir vurğulayıb.
Crossmedia.az xəbər verir ki, ABŞ 2020-ci ildə Rusiyadan S-400 sistemləri aldığına görə Türkiyəyə qarşı "Amerika Düşmənlərinə Sanksiyalarla Mübarizə Qanunu" (CAATSA) çərçivəsində sanksiyalar tətbiq etmişdi. Ankara bu qərarın ədalətsiz olduğunu və NATO müttəfiqləri arasında belə addımların münasibətlərə zərər verdiyini bildirib.
Zeynəb Yunuszadə
19:19 04.04.2025
Oxunuş sayı: 7683
