Trampın rüsum qərarı milyarderlərə rekord zərər vurdu
Trampın yeni rüsumları milyarderlərə bir gündə 208 milyard dollar zərər vurdu. Crossmedia.az xarici mediaya istinadən xəbər verir ki, ABŞ prezidenti Donald Trampın tətbiq etdiyi yeni genişmiqyaslı rüsumlar dünyanın ən zəngin insanlarının xalis kapitalında 208 milyard dollarlıq tarixi itkiyə səbəb olub.
Bu, COVID-19 pandemiyasından bu yana bir gündə qeydə alınan ən böyük maliyyə itkisi olmaqla yanaşı, Bloomberg milyarderlər indeksinin tarixində dördüncü ən böyük eniş kimi qeydə alınıb.
Ən çox itki yaşayan milyarderlər bunlardır:
* Mark Zukerberq – 17,9 milyard dollar (Meta-nın səhmləri 9% dəyər itirib)
* Ceff Bezos – 15,9 milyard dollar (Amazon-un dəyəri 9% azalıb)
* Elon Mask – 11 milyard dollar (Tesla və rüsumların ümumi təsiri)
* Bernar Arno – 6 milyard dollar (Avropa İttifaqına yönəlmiş rüsumlar LVMH şirkətinə zərər verib)
* Tobi Lütke və Ernest Qarsia III – hər biri 1,4–1,5 milyard dollar itirib (Shopify və Carvana səhmləri 20% ucuzlaşıb)
Zəhra Məmmədova
17:28 04.04.2025
Oxunuş sayı: 6863
