İstirahət günlərində milli parklarda hava neçə olacaq?
İstirahət günlərində, yəni aprelin 5 və 6-sı milli parklarda hava əsasən yağmursuz olacaq.
Crossmedia.az xəbər verir ki, bu barədə Milli Hidrometeorologiya Xidməti məlumat yayıb.
Məlumata əsasən Abşeron Milli Parkına səyahət edənləri əsasən yağmursuz hava şəraiti gözləyir. Lakin aprelin 5-də gündüz bəzi yerlərdə arabir yağış yağacağı ehtimalı var. Səhər saatlarında zəif duman olacaq. Mülayim cənub-şərq küləyi əsəcək. Havanın temperaturu gecə 10-14, gündüz 18-23° isti olacaq.
Göygöl Milli Parkına səyahət edənləri də xoş əhval ruhiyyəli, əsasən yağmursuz hava şəraiti gözləyir. Lakin gündüz saatlarında arabir qısamüddətli yağış yağacağı, şimşək çaxacağı ehtimalı var. Gecə və səhər saatlarında zəif duman olacaq. Mülayim qərb küləyi əsəcək, arabir güclənəcək.
Havanın temperaturu gecə 5-10, gündüz 15-20° isti olacaq.
Şahdağ Milli Parkında isə turistləri əsasən yağmursuz hava şəraiti gözləsə də, lakin 5-də gündüz qısamüddətli yağıntı olacağı ehtimalı var. Gecə və səhər saatlarında zəif duman olacaq. Mülayim qərb küləyi əsəcək, arabir güclənəcək.
Havanın temperaturu gecə 4-9, gündüz 17-22° isti olacaq.
Altıağac Milli Parkında da hava yağmursuz olacaq. Lakin 5-də axşama doğru arabir yağış yağacağı ehtimalı var. Gecə və səhər saatlarında zəif duman olacaq. Mülayim qərb küləyi əsəcək, arabir güclənəcək.
Havanın temperaturu gecə 5-10, gündüz 15-20° isti olacaq.
Samur-Yalama Milli Parkına da eyni hava şəraitini şamil etmək olar. Gecə və səhər saatlarında zəif duman olacaq. Mülayim qərb küləyi əsəcək, arabir güclənəcək.
Havanın temperaturu gecə 9-14, gündüz 18-23° isti olacaq.
Şirvan Milli Parkında da ziyarətçiləri sabit, yağmursuz hava şəraiti gözləyir. Lakin 5-də gündüz arabir yağış yağacağı ehtimalı var. Mülayim qərb küləyi əsəcək, arabir güclənəcək.
Havanın temperaturu gecə 9-14, gündüz 19-24° isti olacaq.
Ağgöl Milli Parkına səfər edənləri də əsasən yağmursuz hava gözləyir. Mülayim qərb küləyi arabir güclənəcək.
Havanın temperaturu gecə 8-11, gündüz 20-25° isti olacaq.
Qızılağac Milli Parkının səyahətçiləri əsasən yağmursuz hava şəraiti gözləsə də, lakin 5-i gündüz saatlarında arabir yağış yağacağı, şimşək çaxacağı ehtimalı var. Gecə və səhər saatlarında zəif duman olacaq. Mülayim şimal-şərq küləyi əsəcək, arabir güclənəcək.
Havanın temperaturu gecə 9-12, gündüz 20-24° isti olacaq.
Hirkan Milli Parkında əsasən hava yağmursuz olsa da, lakin gündüz saatlarında arabir yağış yağacağı, şimşək çaxacağı ehtimalı var. Gecə və səhər saatlarında zəif duman olacaq. Mülayim şimal-şərq küləyi əsəcək, arabir güclənəcək.
Havanın temperaturu gecə 9-12, gündüz 20-24° isti olacaq.
Akademik Həsən Əliyev adına Zəngəzur Milli Parkına səfər edən ziyarətçiləri də əsasən yağmursuz hava şəraiti gözləyir. Lakin 5-də gündüz qısamüddətli yağış yağacağı ehtimalı var. Mülayim qərb küləyi əsəcək, arabir güclənəcək.
Havanın temperaturu gecə 8-13, gündüz 20-25° isti olacaq.
16:53 04.04.2025
Oxunuş sayı: 1282
