SEPAH yeni “raket şəhərciyi”ni təqdim etdi – Yaxın Şərqdə gərginlik artır
Tehran, 25 mart – İran İslam İnqilabı Keşikçiləri Korpusu (SEPAH) aerokosmik bölməsi yeni yeraltı raket bazasını – “raket şəhərciyi”ni ictimaiyyətə təqdim edib. Bu addım İranın bölgədəki proksi qüvvələrinə edilən hücumlar fonunda atılıb və ölkənin regional təsirinin zəiflədiyi bir zamanda baş verir.
Açılış mərasimində İran Silahlı Qüvvələrinin Baş Qərargah rəisi Məhəmməd Baqeri və SEPAH Aerokosmik Qüvvələrinin komandanı Əmirəli Hacızadə iştirak ediblər. Yeni raket infrastrukturu yeraltı yerləşmə və strateji atəş imkanları baxımından xüsusi əhəmiyyət daşıyır.
Digər tərəfdən, bəzi Qərb KİV-ləri ABŞ-ın B-2 və B-52H tipli strateji bombardmançı təyyarələrini Hind okeanında, İran və Yəmənə yaxın yerləşən adalardan birinə köçürdüyü barədə məlumat yayıb. Bu hərəkət Yaxın Şərqdə artan gərginlik və potensial qarşıdurma ehtimalı fonunda baş verir.
22:55 25.03.2025
Oxunuş sayı: 7074
