Ermənistan növbəti müharibəyə hazırlaşır
Ermənistan növbəti müharibəyə hazırlıq məqsədilə pilotsuz uçuş aparatları (PUA) almağa çalışır.
Crossmedia.az xarici mediaya istinadən xəbər verir ki, Avropa İttifaqı (Aİ) Fransanın rəhbərliyi altında Ermənistanı silahlandırmaq üçün xüsusi layihə hazırlayıb. Hazırda İrəvana 10 milyon avro məbləğində hərbi yardım göstərilir və bu dəstəyin genişləndirilməsi planlaşdırılır.
Məlumata görə, Ermənistanı silahlandıran əsas ölkələr Fransa, Hindistan və Yunanıstandır. Bu ölkələrin yardımı ilə Ermənistan ordusunun yenidən gücləndirilməsi və müharibəyə hazır vəziyyətə gətirilməsi hədəflənir.
Məqalədə Aİ-nin Ermənistana hərbi yardım göstərməsinin onun sülh çağırışları ilə ziddiyyət təşkil etdiyi vurğulanır.
Ekspertlər hesab edirlər ki, Aİ-nin bu dəstəyi Ermənistanı Azərbaycanla sülh danışıqlarından imtina etməyə sövq edə bilər.
Fransa rəsmiləri isə Ermənistanın yenidən silahlanaraq sülh danışıqlarında daha güclü mövqe tuta biləcəyini iddia edirlər. Analitiklər hesab edirlər ki, İrəvan bölgədə yeni münaqişəyə hazırlaşır.
Zeynəb Yunuszadə
12:57 18.03.2025
Oxunuş sayı: 1433
