Putin Kursk qoşun qruplaşmasının idarəetmə məntəqələrindən birində müşavirə keçirib
Rusiya Prezidenti Vladimir Putin Kursk qoşun qruplaşmasının idarəetmə məntəqələrindən birində müşavirə keçirib.
Rusiya Federasiyasının Prezidenti qərargaha hərbi geyimdə gəlib və Rusiyanın Silahlı Qüvvələrinin Baş Qərargah rəisi – müdafiə nazirinin birinci müavini Valeri Gerasimovun məruzəsini dinləyib. O bildirib ki, son beş gün ərzində Rusiya qoşunları 24 yaşayış məntəqəsini azad edib. Rusiya Silahlı Qüvvələri regionun 1,1 min kvadrat kilometrdən çox ərazisini azad edib. Bu, əvvəlcə Ukrayna Silahlı Qüvvələri tərəfindən ələ keçirilmiş ərazinin 86%-ni təşkil edir.
Kursk vilayətini tamamilə azad etmək və dövlət sərhədi boyunca təhlükəsizlik zonasının yaradılması barədə düşünmək lazımdır. Kursk vilayətində əsir götürülən Ukrayna hərbçilərinə terrorçu kimi yanaşmaq lazımdır.
"Bütün əsirlərə humanist yanaşmaq lazımdır, lakin xarici muzdlular Cenevrə konvensiyasının təsiri altına düşmür," – deyə Putin əlavə edib.
09:34 13.03.2025
Oxunuş sayı: 9634
