Trampın Xameneiyə məktubu BƏƏ vasitəsilə İrana çatdırılacaq
İran Xarici İşlər Nazirliyi ABŞ prezidenti Donald Trampın İranın ali rəhbəri Əli Xameneiyə məktub göndərdiyini təsdiqləyib. Məktubun Birləşmiş Ərəb Əmirliklərinin (BƏƏ) rəsmisi vasitəsilə İrana çatdırılacağı bildirilir.
Cossmedia.az İSNA-ya istinadən xəbər verir ki, İran Xarici İşlər Nazirliyinin sözçüsü İsmayıl Bəqai məktubun BƏƏ prezidentinin diplomatik müşaviri Ənvər Qarqaşda olduğunu açıqlayıb. Onun sözlərinə görə, Ənvər Qarqaş tezliklə İrana səfər edərək məktubu İranın xarici işlər naziri Abbas Əraqçıya təqdim edəcək.
Qeyd edək ki, ABŞ prezidenti Donald Trampın Yaxın Şərq üzrə xüsusi nümayəndəsi Stiv Vitkof iki gün öncə məktubu BƏƏ prezidentinə çatdırıb. Hazırda məktubun məzmunu barədə rəsmi açıqlama verilməyib.
20:28 12.03.2025
Oxunuş sayı: 5652
